#Barittoh ayfaafih guddoyso kee Mexxata

QADPih xintoh miraacinnal, Rakaakay doolat xissiimem kee ahan fanah, Qafar ummatta rakiiboh ayfaafak luddak teynah tan barittoh ayfaaf dudda luk magenna.

1⃣. Barittoh ayfaafih gufso...
Barittô fanteenaanih xisneey, barittoh ayfaaf, ummatta elle tan dareefa gufsaanam wagittaamal kaxxa boola tan. Axcihiiy, magaaloolul iroh tan barri dareefaay, ummatta elle mangoh tanil, barittô buxaaxi xeflih matanaay, barittoh ayfaaf gufekal yan ummatta kaxxam mango.

Magaalol caddol kaadu duddale ayfaaf yanih iyyaanam maxiqqimta.
Daqooritil fayyale caddoh barittô buxaaxi elle anewayta daqorti mangoh.
Elle tanih iyyan daqortil fayyale caddoh barittô buxaaxi inkittuk bisol matan. Kaxxa magaaloolul kaadu too masala.

Dagal galab kak xagnem, Barittoh ayfaafih gufsiyya wagittaama.

2⃣. Barittô mexxat

Barittô buxaaxi kee barittoh ayfaaf gufeh yan dareefal, mexxat le baritto barteenit geytam maxiqinna.
28 liggidih addal, mexxat barittoh ayfaaf barteenit elle geytah tan inki barittoh buxaay matan.
..
Tohuuk amakkaquk barteynit, footimak footima fan taturtuh kaxxa qilsa keenil lem tambulle. Naharsi caddoh barittok yumurruqeh yan urri, kawsa kee kutbe abaanam maduudan.
...
Wohuk muxxuk rakaakay caddol 10tô kee 12tô aqayyaarel barteynit isi misinkacak taamitak taturtam maxiqtaay, garqiino geeweenik, mango barteynit kulli liggidal 10 kee 12 toh aqayyaare taturtem taffare.

Taham kaadu Qafar xaylo ginook leh tan misinkacah ixxigah boola hinnay, mexxat le barittoh ayfaaf geyaanam xiqewaanamih sabbata.

Itta fan gacisnek, 28 liggidih addat qafar ummatta, barittô luddak duddaleeh, mexxat le ayfaaf geytam maxiiqinna yaanama.

#Calli takku xiqta mablooli
• Ummatta elle mangoh tan barri dareefal baritto buxaaxi xisak, barittoh ayfaaf gufsaanama. Tohum kaadu madabiinô barittooy, doorit kee furraynâ barittoh ayfaaf gufsaanam edde anuk takkem faxxintaama.
• Rakaakay caddol inaqtimâ barittoh buxaaxi fakaanama. Baxsaluk koona rasih caddol.
• Barittô siiratih missos..
Taham mexxat le barittoh ayfaaf ummatta geytuh rakiiboh taniimi. Barittô siirataay federaal caddol missoysaanah yaniini, isinni rakaakayih caddol, ummattâ fayxi kee rakaakay caalat hangit haak missoysaanam faxxinta.
• Barittô edde bartan af.... Faaticisneh iyyem akkewaytek aydumal naharsi caddoh baritto qafar afat elle bartan dareefa matan. Taham kaadu barteynit marin afat bartan barittok tu cedaanam xiqewaanam katassam dibuk hinnay rakiiboh ixxiga akah geewan innaa kee footimaak footima akah tatre waan innah absissaama.
• Barteynit ligdoh xisne.....
Rakaakay caddol inki barseynit aydakaakanih kollej tan. Barseynit tonnah duddi boola le. Tohuuk amakkaquk barseynit mexxat le baritto barteynitit tabsaanam maduudan. Tonna kinnuk, 5 rasul barseynit aydakaakanih kolleji fakaanam dibuk hinnay mangih qafar kabirwa akah barissannah, Qafar qunxaaneyta aydakaakanisaanama.
• Barittok barissoh mansoofa kibaanama. Axcihiiy barittô kitoobaay, kitoobâ buxaay, labratory kee kalah barittok barissot axawah tan mansoofa kibaanam faxxinta.

DNL