Qafár caagid arac edde xagam duudam, Qafár ummattah mala kee mabla.
..
Qafár edde tan gibdaabinah calli edde geytimu duudam, Qafár ummattah malaay, walalaay, mablaay, sittingey kee abnisso. Ikkal marin kas kee mabla, net cawlay osissa ikkal, ni calwayah calli matakkaay, mabahta.
Qafár caagidih beedat gorrisan kas kee malaay, mabla mafaxxinta. Marin kas kee mala neh ramad maliiy, ni calwayat axaw mali.

Ni caagidih mala kee mabla, beedat gorrisaanam nek raqta. Qafar caagid arac xaguh, qafarah akkinnaanim le qafarih walal kee malaay, kasat yakkem faxxinta. Marat gorrisnam, oson net gorrisaanam keenih geysissam akkewaytek, neh tuxxiq mali.

Ni bisle marat xakabtuh gacak abinnaanim abenno iyyaanam nek boola. Nanu ninni malaay, kasaay, mablaay kee ixxigat, ninnih ninni xiiqak ninni ibah sollam dudnam abinah nayballem faxxinta.
Nanu marat akah xakbinna cawlay mannu. Sinam akak cawlayitteeh, wakali edde gorrissam nee ikkal nanu sinaamat gorrisnaah,, sinaamak geynam dudnam matan.

Milkiiy, millaalleey, fidin baaxooy gaane gadda leeh, baadak maglallah tani leh qafaraay, qafar sinam edde xakbimta mara ikkal sinaamat xakabuh gacaak, beedi kas kataya mara hinna. Qafar ummatta afrikah gaysal ayti leeh, gersi agatitte edde xakbimteh tan qadli cadaarat xisaah, meraaciseh yan mara. Qafar ummatta, Awroppaay, ilaa qarab baaxooxa lih tellemmô fantaaxaw luk sugeeh, sinam kataytah tan marak sugte.

Away ni dabaanal marin kas kee marat qekuh gacca yeenih isinnim marin gabal haanaah, marak qambaala mara nakkem kaxxa boolak magaq wayna way, buxal neh suge wee migaq cabe waynay.




...
Beeda lih haysitan qalli waadole. Beedak neh maslacat lem edde geyoonuh, waadole qalla haysitaanam tuhinnâ may, oson nim edde buuboonuhuuy, isinni hadaf, ni wakaliiy, qokol kee ni gaddat arac xagsoonuh neh aban saareey, net aban ayra kee kacnu ceelisan ayra hinna. Ahan fanah nee bayissem, beedi isih cawlaytinnaan uddur net abah yan qeko kee saaret nanu abna aylahu.

Dumah qasabuxa, giclooy gibbateeni qafar sinnim keenih matakkam cedeeniih, nee xayyooseeniih, amooy gubah silaacaay, sehdaytuuy, leek maaqooy ilaa merraytu fanah qafarak geyak mayso edde orbisen.
Tohuk wadir wohum habbeltimteeh, Rakaakay siinih neece axcuk qafar isi qabalal bahtem acwah neh yeceenim ceelisak, ahan fanah keenih maslacat le gexsot, addak nee ganak ni gadda tuxmuumen.
Qasabad kee qafar ummatta eritreyat edde yeylemmen.
Away woh inkih habbella heenih Mekelel aban saare kee neegasat qagitak ni wakli kee qalli goranah yandufulen. Tahat aylahitnaamak manol gactam matan.
...
Amcaraay gersi mari kaadu tonnal isinni maslacatah karamboh agraa kee ransat yanin. Qafarey sinam inkih ni qalla akah faxxam neh lon kacanu kee neh abaanam faxan maqaane maay nakkale???

Inki qangara saarey neh ixxiccaay,qokol kee catooy, fidin gadda nek buubam faxa mara kee Barittô buxa siinih xisnaah, qasbô gadda neh ucuya iyya marah yanin. Tannammay qalli yanii hay. Gammik tama maritte ni baaxol awlaytiino net gorrisan.

Neh marin qalla kee kas xiqam malik ahaysa dumih innal aylahitekal, ninni kas kee mala nasgallay.
Ahaysa neh tayseemil, qafar ummatta isih walaltam faxxinta.