Qafár giclok rakiibo fanniiy, Goori giclaaba kaadu Fannaanwa

Qafár giclok rakiibo fanniiy, Goori giclaaba kaadu Fannaanwa. Oson nek axceweenim matanaay, nanu akak nugdubem matan....

Qafár fannaanwa neh abte ascossittek dagoom, ahaak gubal siinih xayyooseh anik kattaata.

#Tahla... .Imbiday qafar cata iyyeeh, aydaadul habbelsime sinni goori gicloh aynabaabad kee duddale farmooy, qafar cakki edde geytam duddal nee farriimeh cabe.

#Joohari... Yiinay yi baaxo yaqassiinay ixxica iyye, uxih Qafar kee qafar baaxoh ittalih ingiicila nek axcuk geytimta. Nanu kaa habbeelleeh, usug uxih axcuk yenem iyya

#Sokkoro..... Itritay qafar baxi ixxica iyye, makedoy iyyan daban mayanak, itritay qafar ixxicaay, qafariinol ittabbixa nek iyye.

#Shek_Acmad.. Kilbatak qariiy nammale fanaay, takke baaxo luk neh tulem matan, nan ninnaagatal aswa kak nanimik,Kookaxaw cabaay inkim ixxica, keewo haysitaay gulguluh gaca nek iyye!

#Qabdallale... Qabdallale nek axceweem maraaqinna. Beedi falma naagatal lem, giclok wadir way maxca iyyeeh, mangom iyyeeh, mango afkan kee goori farrimtu neh abeh cabe.

#Qalo_Yayyo....Qafar naba ayyunta axcuk mango kas neh acayuk geytimtaah, isi ummatta gooril lallabisak geytima.

#Ibraahim_wayte... Ah qafar baaxo ixxicaay, kak maarrinnoy elle nano ixxicaay, isinnim geekalah maaseedina nek iyyeh cabe.

#Qafár_baxi....Qafar baxih migaq le meelah awki axcuk inkim intoonu waytan saaku sin cakki soolele nek axcuk cakki geynuh abnam faxxintam nee yescesseh cabe.

#Abu_yaziid..... Ni can angut edde yan nexxeegellek, itro nek makorsaana nilliilekik bayo makkinay isinnim esserita axcuk uxih goori gicloh afkan nee ayballuk geytima.

#Haarun_Dawud....Qasabad wanoh le bandiiratey, ku siyaasa baaxo kah xiinelem nek iyye.

#Yänna_Mafaxa..... Qasabad kate baaxo kee tiro kak katte dagar massa inteeh, uguta ittikiyyay cata gexxa baaxo axcuk uxih gicloh aynabaabad neh abak geytimta.

#Sidiicalaalè....Baaxo maanoori leeh, nee ikkalah axcuk gicloh aynabaabad neh abeeh, ni qaada baadal yeybeleeleqeeh, illacaboh aynabaabad neh akak abak sugeh yan agat gooriiy, baaxô gicloh isi rooci fida abak, qafar addal habbalsime sinni aydaadu garil nek cabe.

#Cammadí_dabaale....Ransah abba, mango ransoosi bicisak qafarah mango farmo edde tatruseeh, qaadaay afaay, aydaadi tekkooka edde neh maaqak mango kas neh acayuk geytima.

#Tooláh Canfaxe... tekkem kee takku waytam agaaradeeh, beedi neh malsa mala neh maaqeeh, garci kaloot neh abeh cabe.

#Farradê_Qali macammad... Farradê qalii baxi, Qafár kee Qafár baaxok inkih galab xagak aydaadiiy gabbaaquuy, giclô tekkookah xaagoysooy, gicloh afkanitteey, fooca fanah takkem faxxintam edde haak, qado gita nee yescesseh cabe.

#Madqáh_Abba....Madqah abba qafarah garci kak kaleweem matan, mango qaynatih farmo ruubeeh, cuggi nel baahaam, Qalê buxah baalla net abta ayra, nanu beedi gabat ittat abna niksooy, goori kassis kee aynabaabad, Sidiica gaysal tan qafarah lem ascassuk isi habbella heeh, uxih isi ummattah aynabaabad kee giti ascossa abak geytima.

#Yaqam wadeey, Casan biilot, hadigtô muusa, Ibrahim kaako, Qalaamiin, kee kalah tan maxigwa mango ascossa neh abak geytimta.

#Qasa_soole_kee_Baxcittoh Amina tonnah qafarat beedi abah yan samad baysa kee baaxô bukkoh warar wagsiisak mango garci kaloot neh takke farmooy, fooca fanah qaduwwik ninni kee ninni baaxo elle currih nayyaaqem faxxintanna nee yescesseenih caben.

#Qabdu_Qasab.....Qaada bayse marak migaq bayam diggaay, miyya kok yaanaah, ma qaada warsaanaah iyyeeh, cayduuy qabalal temeete baaxooxaay, neh cuyah nan way magenninom diggaay,, tamah inkiinol bahneemi axcuk goori farmo neh tatrusak geytima.

#Yasin_kadir Qafar baxi afak innam abtu waam malik, catnay ixxica ninnim ansumuumekal nek iyyeeh, uxih goori farmo neh tatrusak geytima.

#Ibraahim_macammooda....Atu miyya yok yeenik qafar kinniyo axceyyo axcuk qafariinol nee lallabisaah, Qafar ummattak iro kee addal yan marak isinni ummatta milaaga axcuk fannit goori giclo abak aynabaabad net aba.

#Qali_Qafar....Beeda dannabah lem naabuk raqte baaxooy, niimiy nek beyaana tibbaneh wagitnaay, net yakke baatil abluk kediinul sitta qidnak, tannah tan qaxuumaanek sitta nassacakkay axcuk agat kee baaxô gooril nee lallabisak geytima.

#Cusen_baracle....Galtole goyti yok meqem kuuxeeh, ubka qafar baxiinu fan yok bee axcuk qafariini gooril nee lallabisaah, nek gexxe baaxok tibba axce waynay, nek rabte shohda habbeele waynay axcuk abnam faxxintam nee yascasse.

#Ganga....Abnah nan giclok ugut kee wadba ni sidiicaamooy, ninni caglinnu axcuk giclo inkih tan qafar kee qafar baaxoh abnam faxxintaamal nee lallabisak geytiman.

#Afrikan...Xiine lubaakow imbidey xiinek xongol emeq manibda kok yaanak axcuk edde nan xiinik uguta neh axcuk uxih farmo neh ruubak geytima.

#Qusba horak Jabuutiiy, Eritriya kee Itiyoppiyal tanih tanim, agat goori kee baaxooy, Ayyuntak mano edde milaagimtam duddah tan ascossittee kee farmo, goorih aban fanni giclot nee kassiisak geytiman.

#Ta giclaaba kee kalah akkel galab kak xage weeh an goorile giclaaba mango ascossa kee afkan neh abteeh, uxih mango agiira gooril nee lallabisak geytimta. Takkel cednu dudna, Qafár caddol nummaak goori giclol fulaleeh, isinni manok ayyuntah kee baaxoh aakam acayuk fida tekkeeh, uxih akkuk geytimtam, Qafárak Fanni mara yaanama. Fanni goori giclo elle xissimtaah, edde maqarrowtaah, arac edde xagtam duddah tan silaaca yaanama.

Taham fanah ta giclaaba mango macal kee giclo abteeh, Qafar ummatta isih is duudak, bisômaxcot bilhadimtam edde xiqtah tan maknayitteey, mablooli, cogdaadi kee gititte neh baxxaqseenih.

Umam kee meqem ittak neh baxseeniih, lakin nanu ummattak oson iyyeenimik tu abinah maasisinnooy, magibbatinno.

Uxih edde nanim oson nek caba iyyen gexsooy, uxih abnu naffarem oson neh tayseeh, ni cakki edde geytimu waamaay aba nek iyyeenih abnuh niyaatekal naniih, xaagal gaba kak linom.

Qafarak fannaanwa ixxica tem, ittafanah gacissa heenik, ahak geera 100 liggidah bisommaxco kee dadalah edde meraacinnam faxxintah tan Strategy akak bicsaanam faxxinta. Oson edde yaabeenim, neh bisômaxcooy, manô milaagi edde geytimam duudah yan afkan kee Strayegy.

Nek axceweenim matanaay, nanu kak abnisnem matanaay, abnuh niyatnem matan. Kalbi siita fanah gacissa hayneh, ninni kusaaqisnaah, inkih edde nangaleeh, inkim nee abtah tan kinnaane kee baaxô caagidil walal kee Agaarad abnuh ninnil nangiicillem faxxinta. Ni giclaabaay, tutaaxago nek inteh taniimih hangi acayuk sekkaacissa hayneh, ittalih elle walallam faxxinta.

Qafar itta fan xayyowwateh walaltam faxxinta. Qaadah abbobtiiy, kasleey, tutaaxagooy, diini maraay, doolat miroctiiy, Qunxaaneytaay labuk sayuk kalbi ittafanah gacissa hayneh, inki ayro inki aracal inki qafarih caagidil walallam faxxinta.

DNL Afar