.... Baxsaluk Maddur kee Siyaasal...
Qafár ummatta aydaadul irô wararitte foocah garayak is kee itiyoppiyak mango qaduwwi kalalteeh, mango fida kah mekelte. Takkay ikkal woo fidah neh taagudem geynam hinnay aydaadi gabbaaqu kak neh makuuxinnoonuuy, aaminnaanim akak aban mara nee aben. Tohum ni tibba akkeey hinnay oson neh lon baguumaane takku duddah.
Awayih uddur nanu dumaak gabbaaqak sugneh nan aydaaduuy neh kuuxe cinak sugeeni abinah booxal ayballuk itiyoppiyak rooci wadneeh,, mango fida akah mekelle. Juntaay itiyoppiyah doolat calli kah wayteh tani, qafar agiirah gabat qannimteeh, itiyoppiyat rooci waddiime. Taham ta saaku itiyoppiya hinnay baad caddol giddi mali.
Too way ta carbi nel kataaseh yan maddur kee sehdayti caylih dufah duddale galto itiyoppiyah doolat neh taceem faxxinta. Tohum away Rakaakiyitteey, Ministerwa, makaado, eglaali kee Cankah caddol neh aban cali hinna.
Neh taguudeeh nanu qamballam, Duma tigray dergi digloh migaaqalaay, away kaadu Oromo kee Amaara milaaguh fida mekelle yaanamih migaaqal federaal doolatih caddol siyaasa kee Madduurul geyan aftoh innah tan afto yaanama. Gersi agatitte ummattah ixximah manga takku kalah tan sababittel geytah tan tuxxiq kee afto, Asaaku nanu Itiyoppiyah Mekelneh nan giffole fidal geynam nek faxxintaah, itiyoppiyah umman fida mekella heeh, galto geewaah, kah kuuxewaan maraay, tibbal raaqa hinnay agiirinnaay yableenih neh kuuxan saare, siyaasa kee maddur aftol akah kuuxan mara nakkem faxxinta.
Toh takkuh kaadu nek siyaasa kee miraaciini millaale faxxinta. NI ummatta carbil leh tan mayso kee Millaale, agat caddol gar esserol naallem faxxintaah, Ni miraaciini too Millaale agat caddoh siyaasal Yallem Faxxinta. Qafár akkuk gaadi booxal carbi abe wayna bohoy kee carbil Aalle wayna boola, Siyaasâ booxal naallem mafaxxintaay, Maddur/daddos gaadul nallem mafaxxinta.
Qafár milaagimtuh, Carbi booxah Millaale lih Siyaasa kee Maddur gaadih Millaale tanim faxxinta.
Ni Miraaciinooy Rakaakay kee Federaal ni ummattah awlaytiino leh tan axaqalle Millaale le ummatta derret keenik anuk Rakaakay kee Federaal caddol siyaasa kee Daddos booxal milki dagna leeh boolate mara yakkeenim mafaxxinta.
Ahak wadir carbil sinaamak yayseeh, Siyaasa kee Madduurul sinaamak gaca mara yakkeenim nee maceltaamih taagah siyaasa kee daddoosul lino millaale agat caddo kee baad caddol nayballem faxxinta.
Itiyopiyah nanu Mekelneh nan fida, Itiyoppiya siyaasa kee daddoosul neh mekeltuh, nanu ninni gammik Siyaasâ Miraaciinih Millaale ken naybullem faxxintaah, tonnal neh taguudem dirgih neh abe lon.
Facebook page @Adal Post
Youtube channel-https://www.youtube.com/c/AdalEntertainment
No comments:
Post a Comment